ژ ٨ هەتا ١١ کانوینا ئێکێ ٢٠٢٥، زانکۆیا سلێمانییێ مێهڤاندارییا حەفتییا ڕاهێنانێ یا TRANSITION WP4 کر، چالاکییەکا چڕ یا ئاڤاکرنا شیانان بوو ل ژێر ناڤونیشانێ “بهێزخستنا پەروەردەکارێن میراتی: جوداهییا کەلتۆری، کێمینە و ئارمانجێن گەشەپێدانا بەردەوام (SDGs). “
ئەڤێ ڕاهێنانێ نێزیکی ٣٥ بەشدار ژ ستافێ ئەکادیمی و قوتابییێن زانکۆیێن هەڤپشک ل هەرێما کوردستانا عیراقێ (زانکۆیا دهۆک، زانکۆیا سلێمانی، زانکۆیا زاخۆ، زانکۆیا سۆران) و یەمەنێ (زانکۆیا عەدەن و زانکۆیا تەعز) ل گەل هەڤپشکێن ئەورۆپی ژ ئیتالیا و پورتوگالێ(زانکۆیا ئەڤۆرا، زانکۆیا ساپیێنزا و UNIMED )کۆمکرن، دا کو لێکۆلینێ ل سەر ئەوێ چەندێ بکەن کا خواندنا بلند چاوا دشێت باشتر میراتێ کەلتووری یێ بەررهەست و نەبەرهەست (بەربچاڤ و نەبەربچاڤ) ناس بکەت و بپارێزیت و پێشبێخیت، د هەمان دەمدا کار بۆ پێشئێخستنا ڕێبازین فێرکرن و فێربوونێ یێن گشتگیر دکەت یێن کو ل گەل ئارمانجێن گەشەپێدانا بەردەوام (SDGs) دگونجن.
چالاکیێن حەفتییێ ب خێرهاتنەکا گەرم ژ لایێ د. کارزان خدر، ڕێڤەبەرێ پەیوەندییێن ئەکادیمی یێن نێڤدەولەتی ل زانکۆیا سلێمانی، و د. سونیا بومبیکۆ، ڤەکۆلەر ل زانکۆیا ئەڤۆرا و سەرپەرشتا (WP4) دەستپێکرن. هەڤپشکێن ئەوروپی ئارمانج و مێتودۆلۆژییا خۆلا ڕاهێنانێ شرۆڤەکرن، و ئەڤ حەفتییە وەک دەرفەتەکا فێربوونێ یا هەڤپشک دایە دیارکرن کو ناڤەرۆکا ئەکادیمی، ئامرازێن کارکرنێ و کارێ مەیدانی ب خۆڤە دگریت.
ڕۆژا ئێکێ: گرێدانا ئارمانجێن گەشەپێدانا بەردەوام (SDGs) ب میراتێن کەلتۆری، میراتێ دیجیتالی و جۆراوجۆرییا زمانیڤە
ڕۆژا ئێکێ بنگەهێن چەمکی و میتۆدۆلۆژی یێن حەفتییا ڕاهێنانێ ب ڕێکا سێ دانیشتنێن تەمامکەر ژ لایێ زانکۆیا ئێڤۆرا (University of Evora) ڤە هاتنە دانان.
ڕوینشتنا سپێدەیێ ب وانەیەکا ڕاستەوخۆ ژ لایێ د. سۆنیا بۆمبیکۆ ڤە دەستپێکر، یا کو جەخت دکرە سەر ئەوێ چەندێ کا چاوا چارچۆڤەیێن گەشەپێدانا بەردەوام ل گەل میراتێ کەلتۆری ئێکدگرن، بکارهینانا نموونەیێن واقعی و ڕاهێنانەکا پراکتیکی یا کورت بۆ هاریکاریکرنا پشکداران داکو کەیسێن میراتێ کێمینەیان بۆ فێرکرنەکا گشتگیر و بەردەوام وەربگێڕن.
پاشی بەرنامە ب شێوەیێ ئۆنلاین ل گەل د. ئانا سۆفیا ڕیبێرۆ بەردەوام بوو، یا کو دیارکری کا چاوا زانستێن مرۆڤایەتی یێن دیجیتالی و ئامیرێن دیجیتالی دشێن پشتەڤانییێ ل گەهاندن و پاراستنا میراتی بکەن- ژ بەلگەکرن و پۆلینکرنا میراتی هەتا بەلاڤکرنا ئەوی بۆ جەماوەرەکێ بەرفرەهتر.
ڕۆژ ب ڕوینشتنا د. ماریا فیلۆمێنا گۆنچالڤێس، هەلگرا کورسییا یونسکۆ، ب داوی هات، یا کو ئەوێ ل زمان وەک میرات و ناسنامە ڤەکۆلی، ب گرنگیدانەکا تایبەت ب زمانێن کێمینەیان، مافێن زمانی و فرەزمانییێ وەک ژێدەرەکێ سەرەکی بۆ هەمەڕەنگییا کەلتۆری.
ڕۆژا دووێ: دەنگ، ناسنامە و مێراتێ کێمینەیان د پراکتیکێدا
ڕۆژا دوویێ ھاتە تەرخانکرن بۆ “دەنگ، ناسنامە و مێراتی” و تێدا دیتن و نێڕینێن کێمینەیان ل ناڤەندا ڕاھێنانێ ھاتبوونە دانان.
ل دانێ سپێدەیێ، پڕۆفیسۆر جانفیلیپۆ تێریبیلی و د. غیاس ڕەمۆ ژ زانکۆیا ساپیێنزا ڕێبەرییا پشکداران د ناڤ کەیس و لێکۆلینێن پراکتیکیدا ل سەر کێمینەیێن ھەرێما کوردستانی عیراقێ، ڕۆژھەلاتا ناڤەڕاست و کەنداڤێ فارسی کر. ئەڤێ ڕوینشتنێ دیار کر کا چەوا ڤەکۆلینێن ئەکادیمى دشێن بهێنە گوهۆرین بۆ ئامرازێن کاریکەر بۆ جڤاکى—وەک پێشانگەهـ، فلمێن دۆکیۆمێنتارى و دەسپێشخەرییێن دی یێن کەلتۆرى—ژ پێخەمەت پشتەڤانیکرن ژ دیاربوون، ناسین و تێکەلبوونا جڤاکێن کێمینەیان.
ل دانێ پشتی نیڤڕۆ، زانکۆیا سلێمانییێ ل گەل پڕۆفیسۆر کاوە محەمەد حسێن، سەرپەرەشتییا ھزرەکا بنەڕەتى کر ل سەر چاوایی و ئەگەرێ بکارهنانا زاراڤێ “کێمینە” و پڕۆفیسۆرێ ھاریکار دلشاد عەزیز مارف شڕۆڤە کر کا چاوا جھێن مێراتی—ب تایبەتی مەزارگەھێن ھەڤپشک—دشێن ببنە نموونەیێن زیندی یێن پێکڤەژیان، کارلێکرن و ئالوگۆڕا کەلتۆرى د ناڤبەرا جڤاکاندا. ڤان دانوستاندنان گیانێ TRANSITION نیشان دا: گرێدانا زانکۆیان و ڤەکۆلەران و جڤاکێن خوەجهییە بۆ ژ نوى ھزرکرنێ ل سەر ڤەگێڕانان و پێشخستنا جڤاکێن گشتگیرتر.
ڕۆژا سێیێ: میرات، دیالۆگ و فێربوون ب ڕێکا جهى
ڕۆژا سێیێ ب تەمامى هاتبوو تەرخانکرن بۆ بابەتێن میرات، دیالۆگ و فێربوونا مەیدانى. ڕۆژ ب نیشاندانا کارێن “ناڤەندا کوردستان بۆ هونەر و کەلتۆرى” دەستپێکر، کو ل وێرێ پشکداران ل سەر ئەرشیفێن دیجیتالى یێن ناڤەندێ گەنگەشە کر. هەروەسا بەحس ل ئەوێ چەندێ هاتە کرن کا چەوا ئەرشیفکرن و دیجیتالکرن دشێن بیرەوەرییا هونەرى و کەلتۆرێ دەڤەرێ بۆ نفشێن نوى بپارێزن و بەلاڤبکەن.
ل نێڤرۆیا ئەوێ ڕۆژێ، سەرەدانا “مۆزەخانا سلێمانییێ” و “مۆزەخانا میراتێ کوردى” هاتە کرن، کو بوونە ئەگەر پشکدار تێگەهشتنەکا کویرتر بۆ مێژوو، ناسنامە و داب و نەریتێن دەڤەرێ پەیدا بکەن. بەرنامێ ڕۆژێ ل گەڕەکا “سابونکەران” ب دووماهى هات، ل وێرێ گرۆپى دیتنا خۆ ل گەل ئەندامێن جڤاکێ مەسیحى یێ خۆجهى هەبوو. ئاخفتن ودیدەڤانییێن ئەوان دیمەنەکێ ڕاستی و بهێز نیشان دا کا چاوا دیالۆگا د ناڤبەرا ئایین و کەلتۆراندا د ژیانا ڕۆژانەدا دهێتە پەیڕەوکرن و چاوا جوداهى دبیتە ئەگەرێ پێکڤەژیانا ئاشتییانە، سەرەڕای هەبوونا ئاستەنگان.
د ئەڤێ چارچۆڤەیدا، “حەفتییا مەشق و ڕاهێنانا TRANSITION” دەرفەتەک بوو بۆ پڕچەککرنا پشکداران ب سەربۆڕێن هەڤپشک و ئامرازێن پراکتیکى داکو میراتێ کەلتوورى وەک هێزەکا پالەیدەر بۆ دیالۆگێ و بهێزکرنا تەبایا جڤاکى بکاربهینن، و تێگەهشتنا د ناڤبەرا کەلتۆران د ناڤ ژیانا ڕۆژانە یا سازیێن خواندنا بلنددا بچەسپینن.
ڕۆژا چارێ: دەرئەنجام، پێزانین و دیدارێن جڤاکی
د ڕۆژا چارێدا، حەفتییا مەشق و ڕاهێنانێ ب کۆمبوونەکا دوماهیێ و ڕێورەسمێن بەلاڤکرنا بڕوانامان ب دوماهی هات. دکتۆر کارزان خدر سوپاسییا پشکداران کر بۆ پشکدارییا ئەوان یا چالاک و دەستخۆشی ل ؤۆلێ زانکۆیا دهۆک (ڕێکخەرێ پڕۆژەی) و هەروەسا هەڤپشکێن ئەورۆپی یێن ئیتالی و پورتوگالی کر. پشکدارییا دکتۆر محەمەد عەزیز وەک هەلسەنگێنەرێ دەرەکی، گرنگی و باوەرپێکرنا ئەنجامێن ئەوێ حەفتییێ زێدەتر لێ کر.
بەرنامە ب سەرەدانەکا مەیدانی بۆ گوندێ “هاوار” و دەڤەرا “هەورامان” ب دوماهی هات، کو ل وێرێ پشکداران جڤاکێ یارسانی-کاکەیی ناسی و زانیاریێن پتر ل سەر میراتێ کەلتووری یێ ئەوێ دەڤەرێ وەرگرتن. ئەڤ ئەزموونە بوو ئەگەرێ دوپاتکرن ل سەر گرنگییا پشکدارییا جڤاکی د پەروەردەکرن و پاراستنا میراتیدا.
بهێزکرنا خواندنا بلند بۆ میراتێ گشتگیر
ب ڕێکا تێکەلکرنا وانەیێن ئەکادیمى، ڤەکۆلینێن پراکتیکى و پەیوەندییا ڕاستەوخۆ ل گەل دامەزراوێن کەلتۆرى و جڤاکى، حەفتییا مەشقکرنێ یا پڕۆژێ (TRANSITION WP4) ل سلێمانییێ شیانێن پشکداران بێهێزتر لێکرن بۆ تێکەلکرنا دید و بۆچوونێن هەستیار بەرانبەر کێمینەیان و ئارمانجێن گەشەپێدانا بەردەوام د ناڤ بوارێن وانەگوتن، ڤەکۆلین و گەهاندنا جڤاکىدا. ئەڤ دەسپێشخەرییە دووبارە جەخت ل سەر ڕۆلێ زانکۆیان کر وەک ئەکتەرێن سەرەکی د ناساندنا میراتیدا وەک ژێدەرەک بۆ پێکڤەژیانێ، دیالۆگێ و گەشەپێدانا بەردەوام.
ژێدەر
ڕۆژا ئێکێ
- پەیوەستکردنی ئامانجەکانی گەشەپێدانی بەردەوام بە میراتە کولتوورییەکان
- میراتی دیجیتاڵی: نێوەندگیری، نوێنەرایەتیکردن، و پاراستن
- میراتی زمانەوانی وەک نیشاندەری ناسنامە
ڕۆژا دووێ
- لە توێژینەوەی زانستییەوە بۆ بەشداریکردنی گشتی: پێشانگا لەسەر کۆمەڵگەی ئێزدی و یارسان لە دیمەنی کولتووری زاگرۆس وەک توێژینەوەی کەیس
- لە توێژینەوەی مەیدانییەوە تا پێشانگای نێودەوڵەتی
- میراتی نامەعنەوی لە مەترسی لەناوچوون: دۆسیەی ڕێوڕەسمەکانی زار لە دوورگەی قایشم
- پێکهاتەکان لە کوردستان: لە جیاوازییەوە بۆ کەمینە