زانکۆیا دهۆک مێهڤاندارییا کۆمبوونا دەستپێکرنا پرۆژەیێ ترانزێشن کر، ل ژێڕ ناڤێ: (پاراستنا میراتێ کەلتورى یێ بەرهەست و نەبەرهەست بۆ کەمینەیان ل هەرێما کوردستانا عیراقێ و ل یەمەنێ) د ماوێ ٢٤ بۆ ٢٥ ێ شوباتا ٢٠٢٥ دا. د چارچۆڤێ پرۆگرامێ ئیراسمۆس+، KA2 دا-ئاڤاکرنا شیانان د بیاڤێ خواندنا بلنددا- ئەڤ پرۆژە پشتبەستنێ ل سەر دوو گریمانێن سەرەکى دکەت: ڕۆلى سەرەکى یێ خواندنێ د باشکرنا مافێن مرۆڤی ، ئاشتى و وەلاتیبوونا بەرپرس و بەرپرساتییا جڤاکى یا زانکۆیاندا د پاراستنا میراتێ کەلتورى، بەرهەست و نەبەرهەستدا. ل گەل بەرهەنگاربوونا هەرێما کوردستانا عیراقێ و یەمەنێ بۆ ژناڤچوونەکا مەزن یا میراتێ کەلتورى ، ژ ئەگەرێ قەیرانێن سیاسی و ملانێیان. ئەڤ پرۆژە هەولددەت بۆ پێشئـیخستنا ئیستراتیجییەتان بۆ پاراستن و پێشڤەبرنا میراتى د ژینگەهێن پشى ململانێ و شەڕیدا.
هەولەکا هەڤکار و هەڤپشک بۆ پاراستنا کەلتۆرى
کۆمبوونا دەستپێکرنێ، نوینەرێن زانکۆیێ و دامەزراوێن هەڤپشک گەهاندنە ئێک، گەشە ب دانوستاندنێ هاتە دان سەبارەت هندێ کا چاوا ئەکادیمیا دشێت ڕۆلەکێ گرنگ د پاراستنا میراتێ جڤاکێن کەمینەدا ببینیت.
هەماهەنگییا ئەڤى پرۆژە ژ لایێ زانکۆیا دهۆکڤە هاتییە ئەنجامدان و زانکۆیا زاخۆ و زانکۆیا سلێمانى و و زانکۆیا سۆران ل هەرێما کوردستانا عیراقێ ب خۆڤە دگریت و زانکۆیا عەدەن و زانکۆیا تەعز ل یەمەنێ، زێدەبارى هەڤپشکێن ئەورۆپى کو بریتینە ژ زانکۆیا ساپیێزنا یا ڕۆما، زانکۆیا ئیڤورا، یونیمێد- ئێکەتییا زانکۆیێن دەریایا سپى. زێدەبارى هندێ ئەڤ هەڤپشکێن پەیوەندیدار پالپشتییا پرۆژەى دکەن: ئەنجومەنا نێڤدەولەتى یا شوینوار و جهان ICOMOS-کو ئەڤە ڕێکخراوەکا نەحکومییە کو هاتییە تەرخانکرن بۆ پاراستنا شوینوار و جهێن جیهانێ، دیسان ڕێکخراوا ئارکیۆلۆجییا کوردستانێ-KAO کو بنگەهێ ئەوێ ل دهۆکێیە کو پشکدارییێ ل کاریگەرییا درێژخایەنا پرۆژەی ل سەر جڤاکێ مەدەنى و جڤاکێ بەرفرەهتر دکەت.
ڤەکرنا فەرمى و دانوستاندنێن ئیستراتیجى
کۆمبوونێ ب مەراسیما ڤەکرنا فەرمی دەستپێکر کو تێدا گوتارێن سەرۆکێ زانکۆیا دهۆک: د.داود ئەترووشى و نوینەرێن ئێکەتییا ئەورۆپى، یەمەن و دامەزاروێن هەڤشک ژ هەرێما کوردستانا عیراقێ هاتنە ئاڕاستەکرن. پشتى هینگێ زنجیرەیەکا پێشکێشکرنێن دامەزاوەیی هاتنە ئەنجامدان کو تێدا هەر زانکۆیەکا هەڤپشک ڕۆل و پشکدارییێن خۆ د پرۆژەیدا دانە نیاسین.
ئەڤێ هەلکەفتێ دیسان دیتنەکا تەڤگر یا ئارمانجێن پرۆژەى ب خۆڤە گرت کو چالاکییێن پلاندارێژ، هەولێن بهیزکرنا شیانان و دەرئەنجامێن پێشبینیکرى دیارکرن. دانوستاندنان جەخت ل سەر چاواییا دانانا مەنهەجێ میراتێ کەلتورى و چاواییا بهێزکرن و ڕاهینانا پەروەدەکارێن زانکۆیێ بۆ ئامادەکرنا قوتابییان و ڤەکۆلەران ب کارامەیێن پێدڤى بۆ چارەسەرکرنا چالنجێن میراتێ کەلتورى ب کارایی کر. زێدەبارى هندێ لایەنێن دارایی و کارگێرى یێن پرۆژەیی پێداچوون بۆ هاتە کرن کو ئەڤە گەرەنتیێ د ڕوهنییا پێکهاتەیا فاند و میکانزمێن ڕاپۆرتدانێدا دکەت.
بهێزکرنا هەڤپشکییاتى و پێنگاڤێن داهاتى
ل گەل دانوستاندنێن فەرمى، کۆمبوونا دەستپێکرنێ دەلیڤە بۆ هەڤشکان پەیداکر کو پشکداریکرنێ د تۆرسازى networking و هەڤپشکاتییا هەڤکاریدا بکەن.
کۆمبوون ب دانوستاندنێن ستراتیجى ل دۆر پێنگاڤێن داهاتى ب دوماهیک هات. پرۆژەیێ ترانزێشن هەولددەت ڕێبازەکا فرە-بسپۆرى بۆ پاراستنا میراتى بدامەزرینیت کو ئەڤە پەیوەندییێن بهێزتر د ناڤبەرا دامەزراوێن خواندنا بلند و جڤاکێن زانستى و چێکەرێن سیاسات و جڤاکێ مەدەنیدا موکم دکەت.