٢١ ئەیارى- ب هەلکەفتا ڕۆژا جیهانى یا هەمەجۆرییا کەلتورى بۆ دانوستاندن و گەشەپێدانێ، مە دڤێت پێگیریبوونا پرۆژەیێ ترانسێشن بئێخینە بەرچاڤ ژبۆ پێشئـێخستنا ئاشتى، گشتگیرى، گەشەپێدانا بەردەوام ب ڕێکا پاراستن و ڕەوشەنبیریکرنێ ل سەر میراتێ کەلتورى یێ کەمینەیان-CHM ل ناوچەیێن زیاڤێکەفتییێن شەڕ و ململانێ.
پرۆژەیێ ترانسێشن ئەوێ ل سەرانسەرى هەرێما کوردستانا عیراقێ و یەمەنێ کاردکەت هەولددەت بۆ بهێزکرنا ڕۆلێ دامەزراوەیێن خواندنا بلند د پاراستنا میراتێ کەلتورى یێ بەرهەست و نەبەرهەستدا د جڤاکێن کەمینەیاندا. ل دەڤەرێن ب کویرى ب دەهان سالان تۆشى ململانێ، نەسەقامگیرى و پراوێزخستنێ بووین، پاراستنا کەلتورى کەمینەیان پترە ژ هندێ کو ب تنێ ئاماژەیەکا سیمبۆلى بیت- بەلکو ئامرازەکێ بهێزە بۆ ئاشتیبوون و خۆراگرى و گەشەپێدانێ.
د دەمەکیدا جیهان ڕۆژا جیهانى یا هەمەجۆرییا کەلتورى ب ڕێڤەدبەت، پرۆژەیێ ترانسێشن وەک نموونەیەکا بەرهەست ڕاوەستایە کا چاوا خواندنا بلند و هوشیارى دشێن وەک هاندەر بۆ ئاشتییێ کاربکەن. ب ڕێکا چالاکییێن خۆ، ئەڤ پرۆژە نە ب تنێ پالپشتییا(مافێ مرۆڤی د چێژوەرگرتنا کەلتورێ خۆدا) دکەت، هەر وەکو ئەڤ چەندە د بەیاننامەیا وەلاتێن ئێکگرتیدا ل سالا ١٩٩٢ ل دۆر مافێن کەسێن سەر ب کەمینەیێن نەتەوەیی یان ئیتنى و دینى و زمانیڤە هاتى، بەلکو دیسان بهیێکرنا ستراتیجییەتێن دامەزاویی ژبۆ پاراستنا میراتێ کەلتورى و پاراستنا ئەوى ل دەمى شەڕ و ململانێ و پشتى هینگێ ژى ڕادبیت.
ب هەماهەنگییا زانکۆیا دهۆک و ب پشکدارییا پێنج زانکۆیێن دى:زانکۆیا سلێمانى، زانکۆیا زاحۆ، زانکۆیا سۆران ل هەرێما کوردستانا عیراقێ و زانکۆیا عەدن و زانکۆیا تەعز ل یەمەنێ، ئەڤ پرۆژە هەولددەت بهێزکرنا دامەزراوێن ئەکادیمى ب ڕێکا ئاڤاکرنا شیانان و ڕاهینانا ڕاهینەران ڕاببیت، ئەوژى ب هەڤکارى ل گەل هەڤپشکێن ئەورۆپی ل کونسورتوم، زانكۆیا ساپیێنزا یا رۆما، زانکۆیا ئیڤورا و ئێكەتییا زانكۆیێن دەریایا سپی. ئارمانجا ئەوى هەلسەنگاندن و پێداچوون و نویکرنا مەنهەجێن میراتێ کەلتورى یێن کەمینەیان بکەت. ب ڕێکا بهێزکرنا شیانێن سەرەکی و کارامەیان ل دەڤ ئەندامێن دەستەیا وانەگوتنێ بۆ پێشئێخستنا کەرەستێن فێرکرنێ یێن هەستیار ب دەوروبەریڤە و بهێزکرنا دانوستاندنێ د ناڤبەرا کەلتوراندا، ئەوژى د ناڤبەرا قوتابى و مامۆستا و جڤاکێ ناوچەیی و جڤاکى مەدنیدا.
پرۆژێ ترانسێشن د ناڤەرۆکا خۆدا تێگەهشتنا جۆراوجۆرییێ وەک بهایەکێ زێدەکرى و کەرەستەکێ خودان واتا بهێزدکەت، ب ڕێکا ناساندنا قوتابییان ب میراتێ کەلتورێن دەولەمەند ێێن گرۆپێن کەمینەیان د ناڤ ولاتێن ئەواندا، ئەڤ پرۆژە هەولددەت کو بازنەیێن نەزانین و دابەشکرنێ بشکێنیت و گەشەیێ ب نفشەکێ نوی ژ سەرکردەیێن داهاتى، ئەوێن پابەند و پێگیر ب گەنتیکرنەکا تەڤگر و ڕێزگرتنا ئێکتر ددەن.
زێدەبارى ئەڤێ چەندێ، ب ڕێکا ورکشۆپ و کەمپینەیێن هوشیارکرنا گشتى پرۆژە دویتر دچیت و ژدەرڤەى ناڤەندێن ئەکادیمى کاردکەت بۆ ئەنجامدانا کاریگەرییێ ل سەر چێکەرێن ناڤخۆیی یێن بڕیاران و کۆمەلێن جڤاکێ مەدنى . جەختێ ل هندێ دکەت کو پاراستنا میراتێ کەلتورى ب تنێ پەیوەند نینە ب پاراستنێڤە، بەلکو گرێدایە ب ئاڤاکرنا ڤەگێڕانێن هەڤپشکڤە کو بەشدارییێ د گەشەکرنا ئابۆرییێ بەردەوامدا دکەت.
پرۆژەیێ ترانسێشن ب شێوەیەکێ هەڤپشک ژ لایێ پرۆگرامێ ئێرسموس+ یێ سەر ب ئێکەتییا ئەورۆپاڤە دهێتە تەمویلکرن.
کەمپینێن مە بۆ ڕۆژا جیهانی یا هەمەجۆرییا کەلتورى ل سوشیال میدیایێ ببینە و ل سەر Facebook و Linkedin فولوبکە.